ಕಾಂಗ್ರೆಸ್ ಕಾರ್ಯಕರ್ತೆ ಕೊಲೆ ಪ್ರಕರಣ: ಪತಿ, ಅತ್ತೆ ಬಂಧನ

ಬನ್ನೂರು : ಪತ್ನಿಯನ್ನು ಸುತ್ತಿಗೆಯಿಂದ ಒಡೆದು ಬರ್ಬರವಾಗಿ ಕೊಲೆ ಮಾಡಿ ಪರಾರಿಯಾಗಿದ್ದ ಪತಿ ಹಾಗೂ ಆತನ ತಾಯಿಯನ್ನು ಬುಧವಾರ ಪೊಲೀಸರು ಬಂಧಿಸಿದ್ದಾರೆ. ಟಿ. ನರಸೀಪುರ ತಾಲೂಕಿನ ಬನ್ನೂರು ಹೋಬಳಿಯ ತುರಗನೂರು ಗ್ರಾಮದ ನಂದೀಶ್ (38) ಹಾಗೂ ಆತನ ತಾಯಿ ರತ್ನ (56) ಬಂಧಿತ ಆರೋಪಿ ಗಳು. ನಂದೀಶ್ ಸೋಮವಾರ ತಡರಾತ್ರಿ ತನ್ನ ನಿವಾಸದಲ್ಲಿ, ಕಾಂಗ್ರೆಸ್‌ ಕಾರ್ಯಕರ್ತೆ, ಚಲನಚಿತ್ರ ಸಹ ನಟಿಯೂ ಆಗಿದ್ದ ತನ್ನ ಪತ್ನಿ ವಿದ್ಯಾ ಅವರನ್ನು ಕೊಲೆ ಮಾಡಿ ಪರಾರಿಯಾಗಿದ್ದನು.