ಮೈಸೂರು : ಇಂದು ಮೈಸೂರು ಕೊಡಗು ಲೋಕಸಭಾ ಕ್ಷೇತ್ರದ ವ್ಯಾಪ್ತಿಗೆ ಬರುವ ಚಾಮುಂಡೇಶ್ವರಿ ವಿಧಾನಸಭಾ ಕ್ಷೇತ್ರದ ಗ್ರಾಮಾಂತರ ಭಾಗಗಳಾದ ಸಾತ್ಗಳ್ಳಿ ಗಳಗರಹುಂಡಿ ಹಂಚ್ಯ ಗ್ರಾಮ ಸಭೆಗಳಲ್ಲಿ ಬಿಜೆಪಿ ಅಭ್ಯರ್ಥಿ ಯದುವೀರ್ ಒಡೆಯರ್ ಮತಯಾಚನೆ ಮಾಡಿದರು.
ಒಟ್ಟು 31 ಹಳ್ಳಿಗಳಲ್ಲಿ ಸಾರ್ವಜನಿಕರ ಸಭೆಗಳು ರಾತ್ರಿ 9 ಗಂಟೆ ತನಕ ನಡೆಯಲಿದ್ದು. ಈ ಸಂದರ್ಭದಲ್ಲಿ ಸಾರ್ವಜನಿಕರು ಎನ್.ಡಿ.ಎ ಅಭ್ಯರ್ಥಿಯಾದ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಅವರನ್ನು ಬಹಳ ಪ್ರೀತಿಯಿಂದ ಗ್ರಾಮಗಳಲ್ಲಿ ಬರಮಾಡಿಕೊಂಡರು ಸಾತಗಳ್ಳಿ ಹಂಚ್ಯ ಗ್ರಾಮದಲ್ಲಿ ಕೆಲವು ಹಿರಿಯ ಮುಖಂಡರುಗಳು ಈಗಲೂ ನಮ್ಮ ಊರಿನ ಯುವಕರು ಅರಮನೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ ಎಂದು ತಿಳಿಸಿ ನಮ್ಮ ಗ್ರಾಮದ ಎಲ್ಲಾ ಮತಗಳನ್ನು ಮಹಾರಾಜರಿಗೆ ಕೊಡುತ್ತೇವೆಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಚಾಮುಂಡೇಶ್ವರಿ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಜಿಟಿ ದೇವೇಗೌಡ ರವರು ಬಿಜೆಪಿ ಮುಖಂಡರಾದ ಕವಿಶ್ ಗೌಡ ರವರು ಹೇಮಂತ್ ಕುಮಾರ್ ಗೌಡರವರು ಬಿಜೆಪಿ ಹಾಗೂ ಜೆಡಿಎಸ್ ಪಕ್ಷದ ಅಧ್ಯಕ್ಷರು ಪದಾಧಿಕಾರಿಗಳು ಕಾರ್ಯಕರ್ತರು ಹಾಜರಿದ್ದರು.
