ಮೈಸೂರು: ಯದುವೀರ್ ಒಡೆಯರ್ ಹುಣಸೂರಿನ ಮೊಮ್ಮಗ. ನಮ್ಮ ತಾಲೂಕಿನ ಅಭ್ಯರ್ಥಿಗೆ ಮತ ಹಾಕಿ ಎಂದು ಹುಣಸೂರು ಜೆಡಿಎಸ್ ಶಾಸಕ ಜಿ.ಡಿ.ಹರೀಶ್‌ಗೌಡ ಜನರಿಗೆ ಮನವಿ ಮಾಡಿದ್ದಾರೆ.
ತಾಲೂಕಿನಲ್ಲಿ ಚುನಾವಣಾ ಪ್ರಚಾರ ನಡೆಸಿ ಮಾತನಾಡಿದ ಅವರು, ಯದುವೀರ್ ನಮ್ಮ ತಾಲೂಕಿನವರು ಅನ್ನೋದು ಈಗ ಗೊತ್ತಾಯ್ತು. ಯದುವೀರ್ ಅವರ ತಾಯಿಯ ತಾಯಿ ಅರಸು ಕಲ್ಲಹಳ್ಳಿಯವರು. ಮೈಸೂರು ರಾಜರು ಕೃಷಿ ಭೂಮಿಗೆ ನೀರಾವರಿ ಒದಗಿಸಿದ ಮನೆತನ.
ಅಂತಹ ಕುಟುಂಬಕ್ಕೆ ಮತ ಹಾಕುವುದು ನಮ್ಮ ಪುಣ್ಯ.
ನಮ್ಮ ತಾಲೂಕಿನ ಮೊಮ್ಮಗನಿಗೆ ಮತ ಹಾಕಿದಂತೆ ಆಗುತ್ತೆ. ಹುಣಸೂರು ಕ್ಷೇತ್ರದಲ್ಲೇ 25 ಸಾವಿರ ಲೀಡ್ ಕೊಡಬೇಕು. ಆ ನಿಟ್ಟಿನಲ್ಲಿ ಬಿಜೆಪಿ, ಜೆಡಿಎಸ್ ಕಾರ್ಯಕರ್ತರು ಒಟ್ಟಾಗಿ ಕೆಲಸ ಮಾಡಬೇಕು ಎಂದು ಹರೀಶ್ ಗೌಡ ಹೇಳಿದರು.
