ವಿಷ ಆಹಾರ ಸೇವಿಸಿ ನಾಲ್ಕು ರಾಸುಗಳ ಸಾವು

ಮೈಸೂರು : ವಿಷ ಆಹಾರ ಸೇವನೆ ಮಾಡಿ
ನಾಲ್ಕು ರಾಸುಗಳು 3 ಲಕ್ಷ ರೂ ಮೌಲ್ಯದ 2 ಹಸು, 2 ಎತ್ತು ಸಾವನ್ನಪ್ಪಿರುವ ಘಟನೆ ಹುಣಸೂರು ತಾಲ್ಲೂಕಿನ
ಗಾವಡಗೆರೆ ಹೋಬಳಿ ಕೃಷ್ಣಪುರ ಗ್ರಾಮದಲ್ಲಿ ನಡೆದಿದೆ.

ವಿಷಪೂರಿತ ಆಹಾರ ಸೇವಿಸಿ ನಾಲ್ಕು ಮಿಶ್ರ ತಳಿ ಹಸುಗಳು ಸಾವು.ಗ್ರಾಮದ ಜಯಕೃಷ್ಣ ಎಂಬುವರಿಗೆ ಸೇರಿದ ಹಸುಗಳು ಎರಡು ಎತ್ತುಗಳು, ಎರಡು ಹಸುಗಳು ಸೇರಿವೆ.
ಇದರಲ್ಲಿ ಒಂದು ಗಬ್ಬದ ಹಸುವಾಗಿದೆ.
ನಿನ್ನೆ ಬೆಳಿಗ್ಗೆ 6 ಗಂಟೆಗೆ ಹಾಲು ಕರೆಯುವ ಹಸುವಿಗೆ ಫೀಡ್ಸ್ ನೀಡಿದ್ದಾರೆ. ಯಾಚೇಗೌಡನಹಳ್ಳಿ ಗ್ರಾಮದ ಶ್ರೀ ಗಣೇಶ ಫೀಡ್ಸ್‌ನಿಂದ ಖರೀದಿಸಿದ್ದ ಫೀಡ್ಸ್‌
ಫೀಡ್ಸ್ ತಿಂದ ಕೆಲವೇ ಸಮಯದಲ್ಲಿ ಹಸು ಒದ್ದಾಡಿ ಮೃತಪಟ್ಟಿದೆ ಎನ್ನಲಾಗಿದೆ.
ನಂತರ ಮನೆಯವರು ಗುಂಡಿ ತೆಗೆದು ಹಸುವನ್ನು ಹೂತಿದ್ದರು.
ನಂತರ ಸತ್ತ ಹಸುವಿಗೆ ಇಟ್ಟಿದ್ದ ಫೀಡ್ಸ್ ಬಕೆಟ್‌ನ್ನೇ ಉಳಿದ ಹಸುಗಳಿಗೂ ಇಟ್ಟಿದ್ದಾರೆ.
ಅದನ್ನು ಸೇವಿಸಿದ ಉಳಿದ ಹಸುಗಳೂ ಮೃತಪಟ್ಟಿವೆ.
ವಿಷಯ ತಿಳಿಯುತ್ತಿದ್ದಂತೆ ಪಶು ಸಂಗೋಪನೆ ಇಲಾಖೆ ಅಧಿಕಾರಿಗಳಾದ ಡಾ. ರಾಜಶೇಖರಪ್ಪ ಸ್ಥಳಕ್ಕೆ ತೆರಳಿ ಪರಿಶೀಲಿಸಿ, ಮರಣೋತ್ತರ ಪರೀಕ್ಷೆ ಮಾಡಿದಾಗ ಹಸುಗಳು ತಿಂದಿರುವ ಫೀಡ್ಸ್ ವಿಷವಾಗಿ ಮೃತಪಟ್ಟಿವೆ ಎಂದು ತಿಳಿಸಿದ್ದಾರೆ.
ಈ ನಾಲ್ಕು ಹಸುಗಳ ಮೌಲ್ಯ ಸುಮಾರು 3 ಲಕ್ಷ ರೂ. ಎಂದು ಹಸುಗಳ ಮಾಲೀಕರಾದ ಜಯಕೃಷ್ಣ ತಿಳಿಸಿದ್ದಾರೆ.