ಟಿ.ನರಸೀಪುರ : ನರಸೀಪುರದಲ್ಲಿ ಯುವಬ್ರಿಗೇಡ್ ಕಾರ್ಯಕರ್ತ ಕೊಲೆಯಾದ ವೇಣುಗೋಪಾಲ್ ನಿವಾಸಕ್ಕೆ ಶ್ರೀರಾಮ ಸೇನೆ ಸಂಸ್ಥಾಪಕ ಪ್ರಮೋದ್ ಮುತಾಲಿಕ್ ಭೇಟಿ ವೇಣುಗೋಪಾಲ್ ಕುಟುಂಬಕ್ಕೆ ಮುತಾಲಿಕ್ ಸಾಂತ್ವನ ಹೇಳಿದ್ದಾರೆ. ಅಲ್ಲದೆ ವೇಣುಗೋಪಾಲ್ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಸಲ್ಲಿಸಿ ಗೌರವ ಸಲ್ಲಿಕೆ ಮಾಡಿದ್ದಾರೆ.
ನಂತರ ಮಾತನಾಡಿದ ಅವರು, ಕೊಲೆ ಪ್ರಕರಣದಲ್ಲಿ ಎಷ್ಟೇ ದೊಡ್ಡ ಪ್ರಭಾವಿಗಳು ಇದ್ದರು ನಮಗೆ ಕಾನೂನು ಮತ್ತು ಪೋಲೀಸರ ಮೇಲೆ ನಂಬಿಕೆ ಇದೆ.ಪ್ರಭಾವಿಗಳು ಎಷ್ಟೇ ನಾಟಕ ಆಡಿದ್ರು, ನಮ್ಮ ದೇಶಭಕ್ತಿ, ಸಂಘಟನೆ ಮುಂದೆ ನಡೆಯಲ್ಲ.ಇಂತಹ ಕೊಲೆಗಳಿಗೆ,ಬೆದರಿಕೆಗಳಿಗೆ ನಾವು ಹೆದರಲ್ಲ.ಪ್ರಭಾವಿಗಳು, ಕಾಂಗ್ರೆಸ್ ನವರು ಇದರಲ್ಲಿ ಮೂಗು ತೂರಿಸಿದ್ರೆ ಹುಷಾರ್ ನಾವು ಬೀದಿಗಿಳಿದು ಹೋರಾಟ ಮಾಡಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು.
ಹನುಮ ಜಯಂತಿ ಮಾಡೋದು ಏನು ಪಾಪದ ಕೆಲಸಾನಾ.ನಿಮ್ಮ ರೀತಿ ನಾವೇನು ಭಯೋತ್ಪಾದಕರಿಗೆ ಸಹಾಯ ಮಾಡುತ್ತಿದ್ದೇವಾ ವೇಣುಗೋಪಾಲ್ ಕೊಲೆ ಪ್ರಕರಣದಲ್ಲಿ ರಾಜಕೀಯ ಶಕ್ತಿ ಬಳಸಿದರೆ ಲಕ್ಷಾಂತರ ಹಿಂದೂ ಕಾರ್ಯಕರ್ತರು ನರಸೀಪುರ ಚಲೋ ಹಮ್ಮಿಕೊಳ್ಳಬೇಕಾಗುತ್ತದೆ ಎಂದು ಶ್ರೀರಾಮ ಸೇನೆ ಸಂಸ್ಥಾಪಕ ಪ್ರಮೋದ್ ಮುತಾಲಿಕ್ ಹೇಳಿದರು.
