ಎಚ್.ಡಿ.ಕೋಟೆ: ಪುಂಡರು ರಸ್ತೆ ಯಲ್ಲಿ ಹೋಗುತ್ತಿದ್ದ ದಂಪತಿ ಜತೆ ಜಗಳ ತೆಗೆದು ಚಾಕುವಿನಿಂದ ಇರಿದಿರುವ ಘಟನೆ ತಾಲ್ಲೂಕಿನಲ್ಲಿ ನಡೆದಿದ್ದು, ಹಲ್ಲೆ ನಡೆಸಿದ ಓರ್ವನನ್ನು ಪೊಲೀಸರು ಬಂಧಿಸಿದ್ದಾರೆ. ತಾಲ್ಲೂಕಿನ ಬೊಪ್ಪನಹಳ್ಳಿ ಗೇಟ್ ನಿವಾಸಿ ನಾಗರಾಜು ಚಾಕು ಇರಿತಕ್ಕೆ ಒಳಗಾದ ವ್ಯಕ್ತಿ. ಎಚ್.ಮಟಕೆರೆ ಗ್ರಾಮದ ಮಂಜು, ಇಬ್ಬಾಲದ ಮೂರ್ತಿ ಎಂಬವರು ವಿಪರೀತ ಮದ್ಯ ಸೇವಿಸಿ ಬೈಕಿನಲ್ಲಿ ಬಂದು, ಮಟಕೆರೆ ಸಮೀಪ
ಬೈಕ್‌ನಲ್ಲಿ ಹೋಗುತ್ತಿದ್ದ ಕೆ.ಬೆಳತ್ತೂರು ಗ್ರಾಮದ ಯುವಕನ ಮೇಲೆ ಬಿಯ‌ರ್ ಬಾಟಲಿಯಿಂದ ಹೊಡೆದು, ನಂತರ ವಾಯುವಿಹಾರ ಮಾಡುತ್ತಿದ್ದ ನಾಗರಾಜು ಮತ್ತು ಅವರ ಪತ್ನಿ ಜತೆ ಜಗಳ ತೆಗೆದು ನಿಂದಿಸಿ, ಚಾಕುವಿನಿಂದ ಹಲ್ಲೆ ನಡೆಸಿದ್ದಾರೆ. ನಾಗರಾಜು ಅವರ ಹೊಟ್ಟೆಯ ಭಾಗಕ್ಕೆ ಚಾಕುವಿನಿಂದ ಚುಚ್ಚಿದ್ದು ದಂಪತಿ ಕಿರುಚಾಟದಿಂದ ಅಕ್ಕಪಕ್ಕ ದವರು ಬರುತ್ತಿದ್ದಂತೆ ಮಂಜು ಮತ್ತು ಮೂರ್ತಿ ಓಡಿಹೋಗಲು ಯತ್ನಿಸಿದ್ದಾರೆ.
ನಂತರ ಮೂರ್ತಿಯನ್ನು ಸ್ಥಳೀಯರು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದು, ಪೊಲೀಸರು ಪ್ರಕರಣ ದಾಖಲಿಸಿ ಕೊಂಡಿದ್ದಾರೆ.
