ಹುಣಸೂರು : ಜಮೀನಿನಲ್ಲಿದ್ದ ಒಂಟಿ ಮನೆಗೆ ತಡರಾತ್ರಿ ನುಗ್ಗಿದ ಖದೀಮ ಕಳುವಿಗೆ ಯತ್ನಿಸಿ ಗ್ರಾಮಸ್ಥರ ಕೈಗೆ ಸಿಕ್ಕಿಬಿದ್ದ ಘಟನೆ ಹುಣಸೂರು ತಾಲೂಕು ಕೊಳಘಟ್ಟ ಗ್ರಾಮದಲ್ಲಿ ನಡೆದಿದೆ.ಕಟ್ಟೆಮಳಲವಾಡಿ ನಿವಾಸಿ ಉಮೇಶ್ ಗ್ರಾಮಸ್ಥರ ಕೈಗೆ ಸಿಕ್ಕಿಬಿದ್ದ ಖದೀಮ.ಭಾಸ್ಕರ್ ಎಂಬುವರ ಮನೆಗೆ ನುಗ್ಗಿ ಕಳುವಿಗೆ ಯತ್ನಿಸಿದ್ದ.
ನಿನ್ನೆ ತಡರಾತ್ರಿ ಸುಮಾರು 11 ಗಂಟೆ ವೇಳೆಗೆ ಭಾಸ್ಕರ್ ರವರ ಮನೆ ಬಾಗಿಲು ತಟ್ಟಿ ಬೆದರಿಸಿ ಒಳಗೆ ನುಗ್ಗಿದ್ದಾನೆ.ಪ್ರತಿರೋಧಿಸಿದಾಗ ಭಾಸ್ಕರ್ ಮೇಲೆ ಹಲ್ಲೆ ನಡೆಸಿದ್ದಾನೆ.ಈ ವೇಳೆ ಭಾಸ್ಕರ್ ಕೂಗಾಡಿದ್ದಾರೆ.ಸಮೀಪದಲ್ಲಿದ್ದ ಗ್ರಾಮಸ್ಥರು ಕೂಗಾಟ ಕೇಳಿ ಬಂದು ಕಳ್ಳನನ್ನ ಹಿಡಿದಿದ್ದಾರೆ.ತಮ್ಮದು ಗುಂಪೇ ಇದೆ.ಕೈಗೆ ಸಿಕ್ಕಿದ್ದನ್ನ ದೋಚುತ್ತೀವಿ ಎಂದು ಹೇಳುವ ಖದೀಮ ತಾನು ದನಕರುಗಳನ್ನ ಕದಿಯುವುದಾಗಿ ತಿಳಿಸಿದ್ದಾನೆ.ಬಿಳಿಕರೆ ಠಾಣೆ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಕಳ್ಳನನ್ನ ವಶಕ್ಕೆ ಪಡೆದಿದ್ದಾರೆ.
