ಬನ್ನೂರು : ದುಡ್ಡಿನ ಕೊರತೆಯಿಂದ ನಾನು 30-40 ಕ್ಷೇತ್ರ ಸೋಲುತ್ತೇನೆ ಎಂದು ಮಾಜಿ ಸಿಎಂ ಎಚ್.ಡಿ.ಕುಮಾರಸ್ವಾಮಿ ಹೇಳಿದರು.
ಜಿಲ್ಲೆಯ ತಿ.ನರಸೀಪುರದಲ್ಲಿ ಜೆಡಿಎಸ್ ಅಭ್ಯರ್ಥಿ ಅಶ್ವಿನ್‍ಕುಮಾರ್ ಪರವಾಗಿ ಮತಯಾಚಿಸಿ ಅವರು ಮಾತನಾಡಿದರು. ಬಜೆಪಿ, ಕಾಂಗ್ರೆಸ್ ರೀತಿ ದುಡ್ಡು ಇದ್ದರೆ 150-160 ಕ್ಷೇತ್ರ ಗೆಲ್ಲುತ್ತಿದ್ದೆ. ಸುಮಾರು 30 ಕ್ಷೇತ್ರಗಳಲ್ಲಿ 500ರಿಂದ 3000 ಸಾವಿರ ವೋಟಿನಲ್ಲಿ ಅಂತರದಲ್ಲಿ ಸೋಲುತ್ತೇವೆಂದರು.
ಅಶ್ವಿನ್ ಕುಮಾರ್ ಬಳಿ ಹಣ ಇಲ್ಲ. ನಾನು ಕೊಡೋದು ಯಾವುದಕ್ಕೂ ಸಾಲೋದಿಲ್ಲ. ಕಾಂಗ್ರೆಸ್‍ನವರಷ್ಟು ದುಡ್ಡಿಗೆ ಅಶ್ವಿನ್ ಮ್ಯಾಚ್ ಮಾಡಲಾರ. ನಾವೂ ಅಷ್ಟೋ ಇಷ್ಟೋ ದುಡ್ಡು ಕೊಡಬಹುದು. ತಿ.ನರಸೀಪುರದಲ್ಲಿ ಪಂಚರತ್ನ ಯಾತ್ರೆ ಮಾಡಿದ್ದೇನೆ. ದೇವೇಗೌಡರು ಬಂದು ಮತ ಕೇಳಿದ್ದಾರೆ. ನನ್ನ ಅವಶ್ಯತೆ ಇರಲಿಲ್ಲ. ಕಾಂಗ್ರೆಸ್ ಅಭ್ಯರ್ಥಿಗೆ ದುಡ್ಡಿಗೆ ಕೊರತೆ ಇಲ್ಲ. ದುಡ್ಡಿಗೆ ಜನ ಮರಳಾಗಲ್ಲ ಎಂದರು.
ನಾನು ಬರದೇ ಇದ್ದರೂ ಗೆಲ್ಲುತ್ತೀಯ ಅಂತ ಹೇಳಿದ್ದೆ, ನೀನು ಮನೆ ಮಗನಂತೆ ಇದ್ದೀಯ. ಅದೇ ರೀತಿ ಜೀವನ ಪೂರ್ತಿ ಹೀಗೆ ಇರು ಜನರೇ ನಿನ್ನನ್ನು ಗೆಲ್ಲಿಸಿ ಕಳುಹಿಸಿ ಕೊಡುತ್ತಾರೆ ಎಂದರು.
