ಇಂದು ಕನ್ನಡ ಸಿನಿ ಜಗತ್ತನ್ನು ಕಟ್ಟಿದ ಕನ್ನಡ ಕುವರ ನಟ ಸಾರ್ವಭೌಮ ಡಾಕ್ಟರ್ ರಾಜಕುಮಾರ್ ಅವರ 94ನೇ ಜನ್ಮದಿನ. ಕನ್ನಡ ಸಿನಿಮಾಗಳನ್ನು ಮುಗಿಲೆತ್ತರಕ್ಕೆ ಹಾರಿಸಿದ ಕೀರ್ತಿ ರಾಜ್ ಕುಮಾರ್ ಅವ್ರಿಗೆ ಮಾತ್ರ ಸಲ್ಲುತ್ತದೆ.
ಏಪ್ರಿಲ್ 24ರಂದು ಅಣ್ಣಾವ್ರು ಹುಟ್ಟಿದ ದಿನ, ಅಣ್ಣಾವ್ರ ಅಭಿಮಾನಿಗಳು ಅವರ ಹುಟ್ಟುಹಬ್ಬವನ್ನು ರಕ್ತದಾನ, ನೇತ್ರದಾನ, ರೋಗಿಗಳಿಗೆ ಹಣ್ಣು ಹಂಪಲು ನೀಡುವ ಮೂಲಕ ಆಚರಿಸುತ್ತಾರೆ. ಇಂದು ಬೆಳಿಗ್ಗೆ ಅಣ್ಣಾವ್ರ ಸಮಾಧಿ ಮುಂದೆ ಜಾಮಾಯಿಸಿದ ಅಭಿಮಾನಿಗಳು ಸ್ಮಾರಕಕ್ಕೆ ಪೂಜೆ ಮಾಡಿದ್ದಾರೆ.
ಇನ್ನು ಕೆಲ ಅಭಿಮಾನಿಗಳು ಅವರು ಇದ್ದಕಡೆಯೆ ಅಣ್ಣಾವ್ರ ಫೋಟೋಗಳಿಗೆ ಪೂಜೆ ಮಾಡಿ ಅನ್ನದಾನ ಮಾಡಿ ಅಣ್ಣಾವ್ರ ನೆನಪಿಗೆ ಅನೇಕ ಚಟುವಟಿಕೆಗಳನ್ನು ಪ್ರತಿ ವರ್ಷವು ಹಮ್ಮಿಕೊಂಡು ಬರುತ್ತಿದ್ದಾರೆ. ಅದೇನೇ ಇರಲಿ ಅಣ್ಣಾವ್ರ ಹುಟ್ಟಿದ ಹಬ್ಬ ಅಂದ್ರೆ ಅದು ಕನ್ನಡದ ಹಬ್ಬ ಎನ್ನುವುದೇ ಸರಿ
